الأولة آه
والتانية آه
والتالتة آه
والرابعة آه
الأولة كان واكل طاطورة ونايم على ضهره
والتانية كان فرحان بالفن والمسرح وغير كدة مش همه
والتالتة كان ساكت عشان حلم بعيد همه
والرابعة كان شغال حلل ومكرونة وغير كدة ما يهمه
الأولة الجوع صحاه
والتانية جوع الفقير بكاه
والتالتة سقوط الظلم قربه خطوة من حلمه
والرابعة فرح بزوال جمال عشان يفضل يبيع حلله
الأولة كل هوا ورجع نام على بطنه
والتانية بعد عاش ويسقط مشي في سكة التوهان
والتالتة إيده في إيد رابعة عشان يقرب خطوة كمان من حلمه
والرابعة عايز يرجع زي زمان ولكن الكل كان فاهمه
الأولة قال تالتة هو الحل
والتانية قال معندهاش غير تالتة حل
والتالتة قال أنا اللي عندي الحل
والرابعة طنشهم لأن سكته هي "الحل"
الأولة لا عارف ينام ولا يأكل ولا يحلم
والتانية رجع تاني لسكة التوهان
والتالتة طلع معندوش غير حلمه
والرابعة فضل يبيع حلل ويحل
الأولة قال رابعة هو الحل
والتانية قال معندناش غير رابعة حل
والتالتة قال الحلم بتاعي هو الحل
والرابعة حجري مفتوح لكل من عايز حل
الأولة قاعد على الحل مستنيه يملا بؤه
والتانية قاعد على الحل مستني الانتعاش
والتالتة لابس في الحيط واخد الحل من ضهره
والرابعة وزع الحل على الكل وما حرمش حد من حله ولا حلله
الأولة آه
والتانية آه
والتالتة آه
والرابعة آه
No comments:
Post a Comment